دليل المجمعات والمحلات في مدينه الخبر - متجدد

السلام عليكم ورحمته الله وبركاته

 
مرحبا جميعاً بما اننا بالاجازه الصيفيه فً تكثر الرحلات والسفرات
واكيد البعض بيجي عندنا فً

بخصص كم بوست لزوار المنطقه الشرقيه - مدينه الخبر تحديداً

بذكر لكم المطاعم والمقاهي والمجمعات ومحلات الملابس وغيرها

وهالبوستات بتكون متجدده بكل فتره بضيف لها شئ جديد

وكل مكان جربته بحط لكم تقيمي عنه :)
 

 

نبدأ بالبوست الاول المجمعات ومحلات لتسوق بالخبر :

 

اكبر مجمعين عندنا هم:

 الراشد و مجمع الظهران

 

الراشد يكفيكم يوم

اما الظهران يحتاج يومين لانه كبير جداً ومتعببب

 

أي محل انتِ رايحه له بالتحديد حاولي تعرفين رقم البوابه ومكانه بالضبط

من النت أو اسألي الاستعلامات بنفس المجمع علشان وقتك مايضيع :)

 

مجمع الراشد

 

يحتوى المجمع على 

-1-

 شقق فندقيه - الراشد ريزيدنس

في بوابه توديكم من الفندق الى المجمع

 

موقع الراشد ريزيدنس

 

هنا

 

ماجربتها بس قريت أراء كثيره والكل يمدحهم

 

-2-

قسم خاص بالماركات العالمية

كوتش - كارتير - جوسي - فرزاتشي

موسكينو - فالنتينو - .... والكثيررر

 

-3-

محلات العاديه : زارا - مانجو - محلات للجلابيات - للعبايات ... الخ

 

-4- 

العاب مخصصه للاطفال - مطاعم - قهاوي 

 

-5-

سوبرماركت كارفور  - صيدليات - مكتبه جرير وغيرها

-6- 

 قيصريه الراشد
بالتوسع بالدور الاخير
تصميمه تراثي وفيه محلات وقهوه ومطعم

تويتر المجمع : @Rashidmall

 

 

مجمع الظهران

 

 

المنطقه : حي الدوحة الجنوبية

تقاطع طريق الملك سعود مع طريق الامير فيصل بن فهد  

يحتوى المجمع على :

 

-1-

ماركات عالميه

CH - مايكل كورس - كوتش - موسكينو 

ارماني - Tommy Hilfiger ... الخ

 

-2-

محلات العاديه : زارا مانجو H&M

سنتر بوينت - محلات فساتين - للعبايات - للجلابيات

 

-3-

العاب للاطفال - حضانه للاطفال - مطاعم متنوعه جداً

وقهاوي

 

المطاعم و القهاوي في بوابه 5 وبوابه 9 و 10  

 

-4-

 سوبرماركت بنده و مكتبه العبيكان وصيدليه

 

 

أمواج - مقابل مجمع الظهران

 

في سوبر ماركت بنده و ايكيا و مجموعه مطاعم ومقاهي

ومحلات ايس كريم ( باسكن روبنز و ماربل سلاب )

تويز ار اص - مكتبه جرير

محلات اجهزه جوالات الكترونيات

ستي ماكس و Go sport

السيف للاواني المنزليه

و روائع المكتبات فيه قسم فوق للاطفال رائع جداً

فيه غرف وكل غرفه تدفعين لها ويتعلم طفلك مهنه معينه

وفيه كم محل

 

 

و السويكت اتوقع انه معروف فيه محلات اقمشه وأواني منزليه وعبايات ... واالكثيرر 

عباره عن محلات على الشارع اذا قد مدح لك احد محل معين روحي له رأساً

لان اجوائنا ماتساعد تمشين فيه وماينفع تأخذين أطفالك معك

لان كله زحمه سيارات وعمالات مختلفه في كل مكان * يخوف * ههههههه   

 

 

مجمع فينيسيا 

قريب من مجمع الراشد ماقد دخلته صراحه

بس من برا مبين فيه العاب ومطاعم ومحلات 

 

 

 كورنيش الخبر

قريه القصيبي
 

شارع الامير تركي مقابل فندق المريديان

 

هو عباره عن مجموعه محلات مثل رباعيات  

اللى مايعرف رباعيات هو محل يبيع ملابس وشوزات وشنط

من ماركات عالميه :)

وفي محلات جلابيات وكم محل لمصصمات سعوديات ومحلين نظارات اتوقع

وقهاوي ومطاعم

و Godiva  للشوكولا معروف 

وفي محلات من الجهه الخلفيه للقريه مو بس المحلات اللى على الشارع 

 

 

ولما تطلعون من قريه القصيبي بتقابلكم اشاره تعدوها على يساركم بتشوفون

مجمع فؤاد سنتر سابقاً كان فيه محلات بس حالياً تحول لمجمع مطاعم

و ما ادرى اذا لسه فيه داخل محلات او لا

وايضاً بتشوفون مجموعه مطاعم متوزعه على امتداد الكورنيش  

 

وعلى اليمين على امتداد الشارع بتشوفون مجموعه مطاعم وقهاوي جميله جداً وفيه كم محل ملابس  

مثل زارا و الدو ومذركير وكم محل ..ْ 
 

 

الكورنيش خصوصا انصحكم تراعون اوقات روحتكم له

لانه مابترتاحون بالزحمه وبيضيع وقتكم عند الاشارات ولا راح تلقون مواقف

 

 

واهم شارع شارع البيبسي سابقاَ ( شارع الامير فيصل بن فهد )

هالشارع فيه مجموعه كبيره من المطاعم و القهاوي ومحلات حلويات وتقديمات

و كم محل ملابسس وفساتين


سايتك - مركز سلطان بن عبدالعزيز للعلوم والتقنيه
المركز مره حلو وتثقيفي للكبار والصغار
بكورنيش الخبر  
للاطلاع على موقعهم : http://scitech.sa/ar/index.php 

نصيحتي لكل مسافر ابحث عن المكان اللى بتروح له
وطلع قائمات بأهم المجمعات والفنادق والمطاعم وغيرها
واكتب عندك ارقامها واماكنها
تحديد المكان بالغالب يكون سهل مع التطبيقات اللى بالجوالات
تحددون فيها المحل ويوصف لكم بالخريطه :)

ونصيحه اخرى قبل ماتروحون أي مطعم كلموهم واحجزو لكم طاوله
لان بهالفتره الزحمات بكل مكان :)


اذا تذكرت شئ ثاني بحدث البوست وبنبهكم
واللى يبي يضيف شئ يراسلني

ان شاء الله تستفيدون
انتظروني ببوست المطاعم والقهاوي

 

 أي اقتراح أو أستفسار عن أي شئ بالبوستات
لتواصل معي : 
 

  

 Inspiration_spot@hotmail.com الايميل 


 

جربتي شئ قد ذكرته واستفدتي منه اكتبي لي هنا

http://ask.fm/InspirationSpot



تجاربي مع الشامبوات و أفضل شامبو بالنسبه لي

السلام عليكم ورحمته الله وبركاته

 

في بوست اليوم بتكلم لكم عن معاناه كنت اعانيها يومياً

واكثر شئ وقت الدوامات :(

 

وهالموضوع اكيد تعاني منه الكثيرررر من البنات

فً ممكن تستفيدون منه 

  :)

 

 

معاناتي كانت .... كلما اخذت شور بنص اليوم أو من بكره احس شعري بدأ يزيت

وهالشئ كان يضااااايقني لان شعور مو حلو لما شعرك يزيت بسرعه

وايضاً كنت افكر بشعري لان كثره الشامبو تعدمه

 

بالسنوات اللي فاتت جربت كم شامبو وكلهم للاسف

نفس النتيجه يزيت شعري بسرعه 

 

 

الشامبوات اللى كنت استخدمها

 

 

وكنت انوع يعنى اجرب الشعر العادي الشعر الدهني

الشعر المجعد الشعر الاملس ... الخ

 

كنت افكر اني ما استخدم النوعيه المناسبه لشعري !

 

بعدين استسلمت على نوع واحد لاني ماشفت نتيجه  

وصرت اقول لنفسي هالشئ طبيعي واكيد الكل نفس مشكلتي

 

 

لكن قبل شهر كنت رايحه لسوبرماركت بنده اشتري لي كم غرض

وشفتهم مسوين عررررض على مجموعه شامبوات صانسيلك

 

وقلت بجربه واخذت شامبو للشعر الاملس 

وبلسم للشعر الاملسس

 

 

 

ومن بكره جربت الشامبو صانسيلك

والبلسم طبعا قليل جداً وعلى الاطراف 

 

مر اول يوم والوضع طبيعي

مر ثاني يوم ولا بدأ يزيت شعري

مر ثالث يوم ولسسسه ماحسيت *بقرف باني ما غسلت شعري * ههههههههه 

 رابع يوووووووووم بدأ يزيت

 

 

من كثر ما كنت مصدومه من اللي صار كلما شفت احد من اهلي قلت له يجرب الشامبو

واخذ رايهم فيه !

 

وكلهم ارتاحو له ممكن فادهم لانهم نفس نوعيه شعري ما ادرى ايش السبب بالضبط

 

بس استنتجت ان المفروض ما اعلق على شامبو واحد

اجرب اكثر من شامبو واخذ الافضل

لان اكيد كل بنت تعاني من تزيت السريع بشعرها

بتلقى لها شامبو يريحها وتحس انه هالشامبو مصنوع لها هههههه

 

 

اتمنى تجربون مجموعه صانسيلك وتكتبون لي رايكم

سواء بتويتر او الانستقرام او المدونه

 

واللى كانت تستخدم شامبو صانسيلك 

تقولي هل تحس ان شعرها يزيت بسرعه لما تستخدمه ؟؟   

 

 

بكذا انتهيت

يارب تستفيدون .. واعتذر على الاطاله

أي اقتراح أو أستفسار عن أي شئ بالبوستات
لتواصل معي : 
 

  

 Inspiration_spot@hotmail.com الايميل 


 

جربتي شئ قد ذكرته واستفدتي منه اكتبي لي هنا

http://ask.fm/InspirationSpot

 

 أحبكم

تواجهين صعوبه في اختيار مكياجك ؟ الحل مع Bobbi Brown

السلام عليكم ورحمته الله وبركاته

 

كيفكم بنات , ان شاء الله بخيييير

مبروووك للى إنتهوا من اختباراتهم

واجازه سعيدة للجميع

 

 

في بوست اليوم بتكلم اكثر مع البنات اللي يواجهوون صعوبه في اختيار المكياج المناسب لهم

خصوصاً بظروف اسواقنا سابقاً ومازالت مستمره بإن

 

1-  مافيه اماكن مخصصه تقدرين تجربين فيها المكياج المناسب لك

2- ماعندنا خبيرات أو على الاقل تساعدك باختياراتك للمكياج المناسب

 

وياما وياما تشترين من الفاونديشنات أو غيرها  بسسبب انك ماجربتيها على وجهك قبل تشترينها

 

الحل بيفيد بعضكم وبعضكم مابيستفيد منه للاسف 

 

لان بدون ما اكثر كلام ,, بنصحكم تروحون لمحلات بوبي براون

ليه ؟

 

1- بوبي براون ماركه مكياج غنيه عن التعريف

2- كل منتجاتهم مميزه

3- كل الموظفات اللى فيه فاهمات وتختار لك مكياجك من الى

4-   في مكان مخصص بمراية وباب خاص تقدرين تأخذين راحتك فيه

 

كل اللى عليك تخصصين مبلغ محترم بشنطتك

وتروحين لهم وحاولي تروحين بأوقات ما يكون زحمه بالمحل

مثل الصبح او أي وقت اخر

 

***

 

 

بالنسبه لي كل ماشريت فاونديشن مايناسب وجهي من ناحيه اللون لاني

اجربه على يدي بالاسواق لان مافي مكان تقدرين تاخذين راحتك فيه وسابقاً كانو رجال يشتغلون :)

 

فً هالشئ ضايقني

وفي يوم من الايام اتفقت مع وحده من موظفات بوبي براون بالكويت

أن بجيها تختار لي المكياج المناسب

 

يعنى خصصت وقتها باليوم اللي رحت فيه بحيث ماتتشتت مع الزباين

 

ودخلت للغرفه وجلست تجرب الفاونديشن المناسب

الكونسيلر المناسب والكوريكتر .... الخخخ

 

وما اخذ من وقتي الا اقل من ربع ساعه

لانها فاهمه

 

وما اكتفيت بالمكياج اخذت مزيل المكياج و كريمات لترطيب

يعنى مجموعه كامله

 

هذي الصوره :

 

 

*لمشاهدتها بشكل اوضح بالضغط ع الصوره

 

 

اخذت : منظف للوجهه , كريم لترطيب الوجهه و للعين

 فاونديشن , كونسيلر , كوريكتر و الباودر

والفرش للفاونديشن والكونسيلر و للايلاينر

 

 

وبكذا ارتحت من العناصر الاساسيه بالمكياج 

بانها تكون مناسبه لبشرتي

 

 

بوبي براون يتواجد في  : البحرين و الكويت والامارات

والسعوديه بـ هارفي نيكلز ( شكرا لـ @walahearts

 

 

بكذا اكون انتهيت من البوست

ان شاء الله تستفيدون منه
واعتذر على الاطاله :$

أي اقتراح أو أستفسار عن أي شئ بالبوستات
لتواصل معي : 
 

  

 

جربتي شئ قد ذكرته واستفدتي منه اكتبي لي هنا

http://ask.fm/InspirationSpot