تجربتي مع لزقات كرست | Crest 3D White Strips

السلام عليكم ورحمته الله وبركاته 

كيفكم ؟ ان شاء الله بخييييير 

بتكلم لكم عن 

* لزقات كرست لتبيض الاسنان * ! اتوقع كثير منكم سمع عنها 

وبعضكم متررد يشتريها :)

فً بهذا البوست بقولكم تجربتي معها وهل برجع اطلبها او لا ؟؟؟

بالبدايه لـ لزقات كرست انواع كثثثثيره 

لكني طلبت النوع 20 يوم لمده 30 دقيقه ... ليه ؟

لاني كنت متخوفه ان اسناني تتحسس !

 هذا شكلها 

* غضو البصر عن الشكل المشوه :$ * 

ولتكبير الصور اضغطو عليها 

  

طريقه استخدامها : 

تستخدم مره واحده باليوم لمده 30 دقيقه

اللى باسنانه حشوات ممكن يبين الاختلاف بين الاسنان والحشوه 

خصوصا اذا كانت الحشوه بالاسنان الاماميه

ممكن تسسبب حساسيه مؤقته للاسنان

 عدم شرب الشاهي والقهوه والمشروبات الملونه او التقليل منها

وقبل ما تثبتونها بالاسنان حاولو تكون اسنانكم جافه شوي علشان تلزق

* يارب فهمتو هههههههه * 

 

بالنسبه لتفريش الاسنان قبل استخدام اللزقه يكون قبل بساعه او نص ساعه 

وايضا التفريش بعد الاستخدام * ما عندي فكره عن الاوقات لان كل شخص يقول شئ *

بس اني افرشها بعد ربع ساعه لان فيها ماده تلزق بالاسنان * مزعجه *

 

بعد ماتفتحون الكرتون بتلقون من هالشئ 20 حبه 

من الامام والخلف :)

لما تفتحونها بيكون شكلها كذا 

* الـ 3 الصور اللى تحت من النت *

اللزقه اللى فوق * القصيره *

تكون للاسنان التحتيه 

واللزقه اللى تحت * الطويله *

تكون للاسنان الفوقيه 

:p

نثبتها بالاسنان بهالطريقه :

وكذا بيكون شكلها بالاسنااان 

وهذا شرح باليوتيوب يوضح لكم اكثر 

طريقه التركيب 

هنا

+ انصحكم تشوفون مقاطعها لانها مفيده :$

الحين بقولكم النتيجه اللى حصلت عليها ورأيي : 

قبل ما اشتريها كنت اتوقع اسناني بتصير مثل اللى بالمقطع بيضاء تماما

لكنها ماتبيض بهالشكل 

بس تعطي نتيجه حلللللووووه كثثثثثييييير وبتلاحظون الفرق 

يعنى لو اسنانك صفراء بنسبه 50% هي بتفتحها لك بنسبه 40 % 

بس ماتعطي الاسنان بياض ناصصصع :$

*واذا حطيتي روج غامق بس ودك تطالعين بالمرايه هههههه *

بالنسبه للحساسيه من ثالث يوم بديت احس فيها احس اسناني تألم وابي اضغطها باي شئ

بس كله يهون لما تفكرون ان النتيجه بتعجبكم جلس الالم الى 7 او 10 يوم

هل برجع استخدم لزقات كرست ؟ نعم برجع استخدمها 

وناويه ان شاء الله اشتري معجون كرست لتبيض * اذا حصل اكيد بقولكم تجربتي *

هل انصحكم بشرائها ؟ اي لانها تعمل فرق بالاسنان 

بس طبعا الفرق يختلف حسب درجه اصفرار اسنانك

السعر ؟ سعرها 250 ريال

طلبتها من النت ف اللى ناوي يطلب من احد

ياليت ينتبه للاسعار لاني شفتها عندنا باحد المجمعات ب 300 وزياده

بكذا اكون انتهيت من البوست 

ان شاء الله عجبكم وتستفيدون منه

واي شخص استخدم لزقات كرست ياليت يكتب لنا رأيه فيها !!#

واذا عندكم استفسار اكتبوه في

http://ask.fm/InspirationSpot

أو 

   

اذا عجبكم البوست واستفدتم منه لا تنسونا من الـ ريتويت + لايك 

وتأبعوني بالحسابين لان بالتويتر اخذ راحتي بالكتابه 

والانستقرام بالصور :)

أحبكم كلكم وشكرا على متابعتكم لي 

وياليت تتفاعلون معنا

لان بتشجيعكم نستمر و نحاول نقددم الافضل