الثلاثاء، 2 يوليو 2013

تجربتي مع غسول نيتروجينا و غسول ومقشر كلين اند كلير

السلام عليكم ورحمته الله وبركاته
 
كيفكم جميعاً يارب بخير :$
 
اليوم بتكلم لكم عن تجربتي مع غسول نيتروجينا و غسول ومقشر كلين اند كلير
 
 


نوعيه بشرتي مختلطه يعني في مناطق جافه ومناطق شوي دهنيه 
 
الحين نبدأ مع نيتروجينا اللى على اليمين  
 
غسول نيتروجينا شريته ( لتجربه ) وأول ماشريته بدأت استخدمه
مرتين باليوم مثل ماهو مكتوب بالتعليمات و خلال كم يوم لاحظت انه ما يناسبني ابداً  لان قوي جداً على البشره
اول ما استخدمته كان الوضع عادي بس بعد فتره
اذا غسلت فيه تجف بشرتي وتتقشر بشكل يخوف
ومهما ارطبها تبقى جافه
ولما احط مكياج معاناااااااااااه اجلس ارطب بشرتي 24 ساعه 
وايضاً لاحظت بدت تطلع لي حبوب صغيره باماكن متفرقه بوجهي
هل وقفته بعد هالاعراض ؟؟؟
 
لا
 
لاني ابي اجربه بكل الحالات واشوف وش يطلع معي :(
بعد كذا
قررت اني استخدمه مره وحده باليوم وفشلت التجربه      
بالنهايه قررت اني استخدمه كـ،غسول  بعد المكياج
لانه ينظف من قلللللللب :P
 
 
 
الخلاصه اصحاب البشره الجافه والمختلطه مابيفيدهم هالغسول ولا انصحهم يجربونه *
ولو تلاحظون بالتعليمات مكتوب يزيل الدهون الزائد منها يأكد انه ماينفع الا لاصحاب البشره الدهنيه
 
 
 
الحين بتكلم لكم عن الغسول والمقشر من كلين اند كلير
 
بعد مافشلت تجربتي مع غسول نيتروجينا شريت كلين اند كلير
لتجربه ايضاً
شفت على الرف الغسول وبجنبه المقشر واخذتهم
ومن بكره جربتهممم
 
أول ما استخدمتهم حسسسيت بانتعااااااااااش وشعور جميل جدا
وبشرتي احس انها صفت خصوصاً مع المقشر
 
بعد تجربه نيتروجينا بطلت استخدم المقشر مرتين باليوم
وكلين اند كلير مو مكتوب بتعليمات عدد المرات
 
فً استقريت على مره واحده باليوم
 
بعد فتره حسيت ان بشرتي بدأت تجف بشكل خفيف ,  
واذا رطبتها رجعت لوضعها الطبيعي , يعنى ماوصل الجفاف مرحله النيتروجينا 
 
فبعدها قررت اني اغسل وجهي بالغسول والمقشر كل يومين مره 
والمقشر قبل ماحط المكياج استخدمه لانه مره كويس
ينظف البشره من الشوائب والرؤوس السوداء
ويكفيني الانتعاشه اللى احس فيها بعد ما استخدمه
وللحين انا مستمره على كلين اند كلير
 
 
هل برجع اشتريه من جديد ؟
لا لان ودي اجرب منتج جديد بعد ما اخلص منه :)
وان شاء الله بقارن لكم بين المنتج الجديد وكلين اند كلير 
ونشوف مين الافضل  :)
 
اما نيتروجينا توبه اشتريه مره ثانيه :)  
 
 
بكذا انتهيت من بوست اليوم
ان شاء الله تستفيدون منه
 
وعلشان نستفيد من بعض اكثر
اتمنى تذكرون لي اسم الغسول اللى تستخدمونه حالياً
مع نوع بشراتكم وهل ارتحتو له ام لا ؟
 
 
حبيت اشكر كل متابعيني على التويتر والانستقرام
بجد انتو تحمسوني اقدم افضل ماعندي , وان شاء الله اكون افدتكم باشياء بسيطه 
أي ملاحظه او نصيحه او فكره  
 

تواصلو معي :  
  

 
جربتي شئ قد ذكرته واستفدتي منه اكتبي لي هنا
 
   أحبكم كثير :$



هناك تعليقان (2):

  1. احسن شي للاستخدام اليومي هو الغسول اللي يجي رغوة اما الجل للاستخدام كل يومين
    الرغوة ماتنشف وخية على البشرة
    استدم الرغوة من هاملايا
    والغسول من كلين اند كلير

    ردحذف